விவோ நிறுவனத்தின் Vivo Y11 (2019) ஸ்மார்ட்போன் இன்று அதன் அதிகாரப்பூர்வ அறிமுகத்தை சந்தித்தது. பட்ஜெட் விலைப்பிரிவின் கீழ் அறிமுகமாகியுள்ள இந்த புதிய விவோ ஸ்மார்ட்போன் ஆனது சில சுவாரசியமான அம்சங்களை கொண்டுள்ளது, இன்னும் சொல்லப்போனால், விலையை மீறிய அம்சங்களை கொண்டுள்ளது என்றே கூறலாம்.


இரண்டு வண்ண விருப்பங்களின் கீழ் அறிமுகமான விவோ ஒய் 11 (2019) ஆனது வாட்டர் டிராப்-ஸ்டைல் டிஸ்ப்ளேவை கொண்டுள்ளது. இந்த ஸ்மார்ட்போனில் செயற்கை நுண்ணறிவு (AI) ஆதரவுடைய டூயல் ரியர் கேமரா அமைப்பும் உள்ளது.

உடன் செல்பீக்களை மேம்படுத்த உதவும் AI Face Beauty போன்ற கேமரா அம்சங்களையும் இது கொண்டுள்ளது. கூடுதலாக, எச்.டி.ஆர் மற்றும் பனோரமா போன்ற ப்ரீ-லோடட் கேமரா மோட்களும் உள்ளன.

விவோ ஒய் 11 (2019) ஆனது தற்போது 3 ஜிபி ரேம் கொண்ட ஸ்டோரேஜ் வேரியண்ட்டில் வருகிறது. மேலும் ஆண்ட்ராய்டை அடிப்படையாகக் கொண்ட நிறுவனத்தின் கஸ்டம் ஃபன்டச் ஓஎஸ் 9.1 ஐ கொண்டு இயங்குகிறது.

விவோ ஒய் 11 (2019) ஸ்மார்ட்போனின் விலை:
விவோ நிறுவனத்தின் அதிகாரப்பூர்வ தளத்தின் படி, இது ஒரே ஒரு மெமரி வேரியண்ட்டின் கீழ் வெளியாகியுள்ளது. இதன் 3 ஜிபி ரேம் + 32 ஜிபி மாடல் ஆனது வியட்நாமில் தோராயமாக ரூ.9,200 (இந்திய மதிப்பின்படி) என்று நிர்ணயிக்கப்பட்டுள்ளது. இது Coral Red மற்றும் Jade Green என்கிற இரண்டு வண்ண விருப்பங்களில் வாங்க கிடைக்கும்.

ரூ.12,000 விலையில் 48MP டூயல் கேமரா + 4000mAh பேட்டரி; வேற என்ன வேணும்?

இந்திய வெளியீடு:
இந்த விவோ ஒய் 11 (2019) ஸ்மார்ட்போனின் உலகளாவிய வெளியீடு மற்றும் கிடைக்கும் தன்மை குறித்த விவரங்கள் இன்னும் வெளியிடப்படவில்லை.

இருப்பினும், இதற்கு முன்னர் வெளியான விவோ ஸ்மார்ட்போன்களை கருத்தில் கொண்டால், இந்த புதிய ஸ்மார்ட்போன் ஆனது கூடிய விரைவில் இந்தியா மற்றும் சீன சந்தைகளில் எதிர்பார்க்கலாம்.

விவோ ஒய் 11 (2019) ஸ்மார்ட்போனின் முழு அம்சங்கள்:
டூயல் சிம் (நானோ) ஆதரவு கொண்ட விவோ ஒய் 11 (2019) ஆனது ஆண்ட்ராய்டு 9 பை அடிப்படையிலான ஃபன்டச் ஓஎஸ் 9.1 கொண்டு இயங்குகிறது. இந்த ஸ்மார்ட்போன் 6.35 இன்ச் அளவிலான எச்டி+ (720x1544 பிக்சல்கள்) டிஸ்ப்ளேவை கொண்டுள்ளது.

இது வாட்டர் டிராப்-ஸ்டைல் நாட்ச் வடிவமைப்பை கொண்டுள்ளது. ஆக்டா கோர் க்வால்காம் ஸ்னாப்டிராகன் 439 SoC கொண்டுள்ள இந்த ஸ்மார்ட்போன் 3 ஜிபி ரேம் உடன் கட்டமைக்கப்பட்டுள்ளது.

கேமராக்கள்:
புகைப்படங்கள் மற்றும் வீடியோக்களுக்கு வரும்போது, விவோ ஒய் 11 (2019) ஆனது இரட்டை பின்புற கேமரா அமைப்பை கொண்டுள்ளது, அதில் 13 மெகாபிக்சல் (எஃப் / 2.2) முதன்மை கேமரா + 2 மெகாபிக்சல் (எஃப் / 2.4) அளவிலான இரண்டாம் நிலை கேமரா உள்ளது. முன்பக்கத்தில் 8 மெகாபிக்சல் (எஃப் / 1.8 ) அளவிலான ஒரு செல்பீ கேமராவை கொண்டுள்ளது

மெமரி & இணைப்பு ஆதரவுகள்:
விவோ ஒய் 11 (2019) ஆனது 32 ஜிபி அளவிலான உள்ளடக்க சேமிப்பகத்தை கொண்டுள்ளது. இணைப்பு விருப்பங்களை பொறுத்தவரை 4ஜி எல்டிஇ, வைஃபை, ப்ளூடூத் வி 4.0, ஜிபிஎஸ் / ஏ-ஜிபிஎஸ், மைக்ரோ-யூ.எஸ்.பி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது.

சென்சார்கள்:
சென்சார்களை பொறுத்தவரை, Accelerometer, ambient light sensor, magnetometer மற்றும் proximity போன்றவைகளை கொண்டுள்ளது. மேலும் இந்த ஸ்மார்ட்போனின் பின்புறத்தில் கைரேகை சென்சார் ஒன்றும் உள்ளது.

பேட்டரி:
முன்னரே குறிப்பிட்டபடி இந்த விவோ ஒய் 11 (2019) ஆனது ஒரு பெரிய 5,000 எம்ஏஎச் பேட்டரி மூலம் சக்தியூட்டப்படுகிறது. எ;அளவீட்டில், 159.43x76.77x8.92 மிமீ மற்றும் 190.5 கிராம் எடையும் கொண்டுள்ளது.